Ley Kiri Wuye (Amma)

ඔබේ උකුල මත හිස තබලා ඔබ හට මං සැම දුක් කිව්වා මා හඬනා විට සිත සදලා අම්මේ ඔබ ඔවදන් දුන්නා නැලවිලි ගීයක් වූවා සැමදා සුළැඟිල්ලේ ඔබේ එල්ලීලා පාසැල වෙත මා පිය මැන්නා මා දිවියට නිසි මග පෙන්වා අම්මේ ඔබ මට දිරි දුන්නා සසර පුරා නුඹ මගේ මව වේවා...... ලේ කිරි වූයේ ඔබේ සෙනෙහේ නිසා කරුණාවේ අරුතත් ඔබම තමා මා නැලවූයේ ඔබේ තුරුලේ හොවා පින් කෙරුව නිසා ඔබෙ පුතෙකු වෙලා....... ගුරුහරුකම් මා හට දුන් දා ඔය දෙනෙතින් මා ලොව දුටුවා මා මුවඟේ හසරැල් කැඳවා අම්මේ ඔබ කඳුලැල් සැලුවා සෙවණැල්ලක් වී මා ළඟ සිටියා දස මාසේ මා කුසේ දරා ඔබ ඉසිලූ බර නැත නිම්මා මා ජීවයේ පණ නල වූවා අම්මේ ඔබ මතු බුදු වේවා අම්මා සැම මුවකම මිමිණේවා....... (ලේ කිරි වූයේ ඔබේ සෙනෙහේ නිසා කරුණාවේ අරුතත් ඔබම තමා මා නැලවූයේ ඔබේ තුරුලේ හොවා පින් කෙරුව නිසා ඔබෙ පුතෙකු වෙලා)...///